श्री तुळजाभवानी देविचे मुख्य पुजारी श्री. निखिल प्रदीपराव साळुंके

8087272402 | 9552801885

॥ ॐ सर्वमंगल मांगल्ये शिवे सर्वार्थसाधिके शरण्ये त्रयम्बके गौरी नारायणी नमोस्तुते ॥

श्री तुळजाभवानी देवी भक्तांना माझा नमस्कार..!

मला अत्यंत आनंद होतोय की मी श्री तुळजाभवानी मातेसाठी समर्पित सर्व भक्तांसाठी माझी स्वतःची वेबसाईट सुरू करत आहे, ज्यामुळे भक्तांना त्यांच्या इच्छेनुसार पूजा, सेवा व विधी ऑनलाइन परफॉर्म करण्याची सुविधा मिळेल.

श्री तुळजाभवानी मातेस आशीर्वादाने, मी माझे जीवन भक्तांच्या सेवेत समर्पित केले आहे. भक्तांना पूजा, सेवा आणि विधी करण्याचा माझा प्रयत्न नेहमीच भक्तांप्रती श्रद्धा, भक्ती आणि उत्साहाने भरलेला राहतो.

आपण जाणतोच की अनेक भक्त आहेत जे देवीचे अत्यंत प्रेम करणारे आहेत, परंतु वैयक्तिक कारणांमुळे तुळजाभवानी मंदिरात वेळेप्रमाणे भेट देऊ शकत नाहीत. तसेच अनेक भक्त परदेशात राहणारे असून, तेही आपल्या इच्छेनुसार सेवा विधी ऑनलाइन करून घेऊ इच्छितात. या वेबसाईटद्वारे भक्तांसाठी देवीशी थेट संपर्क साधण्याचे एक सोयीचे माध्यम उपलब्ध होईल.

माझी प्रार्थना आहे की, श्री तुळजाभवानी मातेमुळे तुमच्या सर्व इच्छांना पूर्णता मिळो व तुमच्या जीवनात आनंद आणि समाधान भरपूर असो.

– श्री. निखिल प्रदीपराव साळुंके | संपर्क :- 8087272402
मुख्य पुजारी, श्री तुळजाभवानी मंदिर, तुळजापूर

ऑनलाइन पूजा सेवा / Online Pooja Seva

श्री कुलदेवतेला शांत ठेवण्यासाठी अभिषेक करावा. अखंड सौभाग्यासाठी भोगी अर्पण करावा. घरपरिवाराची भरभरारीसाठी कुलदेवतेला नैवैद्य दाखवावे. घरात शुभकार्य असल्यास आहेर करावा. समृद्धी, व्यवसाय किंवा नोकरीतील यशासाठी सिंहासन भरावे. घरातील वाद-कलह शांत करण्यासाठी गोंधळ पूजा करावी. सेवा तन, मन, धनाच्या सुखासाठी जोगवा वाढावा, परडी भरावी. अपत्य प्राप्तीसाठी जावळ नवस करावा. घर, वास्तू व संपत्तीचे कार्य साधण्यासाठी पानाचे घर घालावे. वाईटापासून संरक्षणासाठी दैत्याला नैवैद्य दाखवावे.

शारदीय नवरात्र उत्सव, तुळजापूर

रथ अलंकार महापूजा

भगवान सूर्यनारायण यांनी त्रिलोक भ्रमणासाठी आपला रथ श्री तुळजा भवानी मातेस देऊन दिला, याचे प्रतीक म्हणून ही पूजा मांडली जाते.

मुरली अलंकार महापूजा

महिषासुराचा वध करण्यासाठी देवीने नऊ दिवस अखंड युद्ध केले. दैत्यांच्या अत्याचारांपासून देवीने ऋषी-मुनी आणि देवदेवतांना सुटका दिली. या प्रसंगी श्रीकृष्णाने आपली मुरली अर्पण केली. श्री तुळजा भवानी मातेस ती मुरली वाजवून भय निवारण केले, आणि देवतांनी स्वर्गीय आनंद अनुभवला.

शेषशाही अलंकार महापूजा

भगवान विष्णू क्षीरसागरात शेषशैय्येवर विश्राम घेत असताना, देवीने त्यांच्या नेत्रकमलात जाऊन विश्राम केला. या काळात विष्णूंच्या कानातून निघालेल्या माणापासून दोन दैत्य शुंभ व निशुंभ जन्मले. ते लगेच विष्णूवर आक्रमण करण्यास गेले. त्यावेळी देवीने नाभीतून जागवून स्तुती केली आणि त्या दैत्यांना ठार केले. त्यामुळे भगवान विष्णूंनी आपली शेषशैय्या देवीला विश्रामासाठी अर्पण केली. याच कारणासाठी ही अवतार पूजा साजरी केली जाते.

भवानी तलवार अलंकार महापूजा

छत्रपती शिवाजी महाराज यांना धर्म रक्षण आणि स्वराज्य स्थापन करण्यासाठी श्री तुळजा भवानी माता प्रसन्न होऊन आपल्या हाताने भवानी तलवार देऊन आशीर्वाद दिला. ही भवानी तलवार साजरी करण्यासाठी अलंकार पूजा केली जाते.

महिषासुर मर्दिनी अलंकार पुजा

ज्यावेळी महिषासुराने सर्व देवता-गणांना स्वर्गातून हाकलून दिले आणि स्वत: सर्व आनंद भोगू लागला, त्या वेळी साक्षात पार्वती अवतार असलेली तुळजा भवानी माता सर्व देवतांच्या तेजातून उत्पन्न झालेली देवी म्हणून प्रकट झाली. हीच भवानी दुर्गा नऊ दिवस महिषासुराशी युद्ध करून त्याचा विजय संपादन करून ठार मारले. याची स्मरणार्थ अलंकार पूजा साजरी केली जाते.